విశాఖ 19-1-2016

విశాఖ

19-1-2016

ఒక పక్కన అఖండ జలరాశి

ఆపక్కన అందాల కైలాసగిరి

దాని పక్కన ఆధ్యాత్మిక సింహగిరి 

ఇంకోపక్కన డాల్ఫిన్స్ నోసుగా

ఫ్రసిద్ధి చెందిన తూరుపు కనుమల సానువులు

వాటిక్రింద సహజసిద్దమైన నౌకాశ్రయం

విశాఖ అందాలను ఇనుమడింపచేస్తుంటే

చరక సంహితల కొలువు -

ఆంధ్ర వైద్య కళాశాల

చదువుల భాండాగారం-

ఆంధ్ర విశ్వ విద్యాలయం 

దేశ కీర్తిని రెపెరెపలాడించే-

తూర్పు నావికాదళం

ఆంధ్రుల హక్కు -

విశాఖ ఉక్కు కర్మాగారం

నౌకా నిర్మాణ రంగంలో ముందున్న -

హిందూస్తాన్ షిప్ యార్డ్

రాస్ హిల్ పై కొలువైన

దేవాళయం, మసీదు, చర్చ్

విశాఖ కీర్తిని నలుదెసలా చాటుతుంటే

ఏ ప్రాంతం వారినైనా సహృదయంతో ఆదరించే

మంచిమనసుల మనుషులు

అన్ని మతాలు మావే  

అని కలిసికట్టుగా మెలిగే విశాల హృదయులు 

విశాఖ కీర్తికి మరింత వన్నెలద్దుతుంటే 

ఈ విశాఖ

మన విశాఖ-మదిని దోచే విశాఖ 

సుజనుల విశాఖ-సహృదయపు విశాఖl

ఆందాల విశాఖ-ఆనందాల విశాఖ

                డా.మజ్జి భారతి