Sri lanka Tour from 4-1-2019 to 12-1-2019

Sri Lanka - Tour శ్రీలంక    కూర్పు: డా.మజ్జి భారతి కన్నుల లోగిళ్ళ పచ్చదనపు పందిళ్ళు ఆ పందిళ్ళు అలంకరించుకున్న వర్ణరంజిత సుందర సుమాలు చూపుకు అందిన మేరా సుందర దృశ్యాలు కనుచూపుమేరా దట్టమైన వృక్షాలు త్రోవపొడవునా ఏపుగా ఎదిగిన నారికేళ వనాలు గుత్తులుగా వేలాడుతున్న నారికేళ ఫలాలు ఎటుచూసినా గుట్టలుగా నారికేళాలు అడుగడుగునా నీటిచెలమలు, నదీనదాలు చెలమలలో ఈదులాడుతూ జలపుష్పాలు చెట్లపై విహరిస్తూ వివిధ రకాల విహంగాలు వీధి ముంగిళ్ళ కొలువై ఉన్న బుద్ధుని ప్రతిమలు కూడళ్ళలో ఏసుక్రీస్తు జన్మదిన విశేషాలు ఆలయాల భక్తుల ప్రార్ధనలు, మోగుతూ గుడిగంటలు దిగివచ్చిందా కైలాసం అనిపించేలా ఉన్న నగర ముఖచిత్రం ఇదే...అలనాడు రావణబ్రహ్మ ఏలిన లంకా పట్టణం త్రేతాయుగం నుండి ఉన్న హైందవం అశోకుడు వ్యాపింపచేసిన బౌద్ధం మతాలు వేరైనా  విలసిల్లె ఈ నగరాన మత సామరస్యం భిన్న మతాలు..భిన్న సంస్కృతులు అయినా అన్నదమ్ముల్లా మెలుగుతున్న ప్రజానీకం కష్టించే స్వభావం ప్రజల స్వంతం ఇచ్చారు ఇక్కడ పరిసరాల పరిశుభ్రతకే ప్రాధాన్యం అందుకే అనిపిస్తుంది ఇదేనా భూతలస్వర్గం కన్నులకింపుగా ప్రకృతి మనసునిండుగా భక్తి అనుభూతుల ఆస్వాదనలో అనురక్తి వెరసి ఈ ధార్మిక యత్ర కలిగించు అందరికీ ముక్తి                Dr.Majji Bharathi ReplyForward Flying birds Blooming flowers Blue waters What a feast to eyes Roads with in  the sea Water sparkles in green color Sea follows you every where What a picturique sight to view No plastic waste any where Streets are clean & tidy Greenery every where Gives you a memorable sight No honking No noise pollution No traffic jams, nothing Journey is smooth & Hussle free What an experience to be there Statues of Buddhas At every street corner Ringing of temple bells Heard every where Miniatures depicting Jesus birth Seen at junctions Religious harmony shines here It is in South Heaven on Earth Visiting it is worth           Dr. M. Bharathi ReplyForward

Flying birds Blooming flowers Blue waters What a feast to eyes Roads with in  the sea Water sparkles in green color Sea follows you every where What a picturique sight to view No plastic waste any where Streets are clean & tidy Greenery every where Gives you a memorable sight No honking No noise pollution No traffic jams, nothing Journey is smooth & Hussle free What an experience to be there Statues of Buddhas At every street corner Ringing of temple bells Heard every where Miniatures depicting Jesus birth Seen at junctions Religious harmony shines here It is in South Heaven on Earth Visiting it is worth           Dr. M. Bharathi ReplyForward

శ్రీలంక అధ్యాత్మిక యాత్ర”

6-1-19

"శివానంద ప్రభు" సారధ్యంలో యాత్ర చుట్టుకుంది శ్రీకారం

అధ్యాత్మికత కలగలసిన వినోదాల విహారం

దీనికి వేదిక కాగా "లంకా" పట్టణం

"చినకద్రిగామ సుబ్రహ్మణ్యేశ్వర స్వామితో" యాత్ర ప్రారంభం 

ఆపై "మున్నేశ్వరం" శ్రీరామ స్థాపిత సైకత లింగం

మన్వారి రామలింగేశ్వర స్వామి దర్శనం

తరువాత తల్లి "భద్రకాళి" ఆశీర్వాదం

అనూరాధపురంలో 

అలనాడు సంగమిత్ర నాటిన అంకురం

కాగా జ్ఞాన బోధను చేసే "శ్రీ మహా బోధి వృక్షం"

శాఖోపశాఖలుగా ఇచట విలసిల్లుతున్నది బౌద్ధం 

అచటనే ఘనమైన "రత్నమలి మహాస్థూపం"

వేదికగా సువిశాల ప్రాంగణం

దర్శనార్ధం వేలాదిమంది ఆగమనం

ఆ దర్శనమే ఓ అద్భుతం 

చూసేందుకు రెండు కళ్ళూ చాలవన్నది పరమ సత్యం

చివరగా

“కేండీ హాలిడే రిసార్ట్” లో ఆరామం

ఈ రకంగా ముగిసినది యాత్రా “తొలిదినం

అనురాధపురం

రత్నమలి మహాస్థూపం

దూరం నుండి చూడగనే చాలా ఘనంగా అనిపించింది. ఓ అద్భుతంలా ఉంది. ఇంతలో బస్సు, ఇటుకలతో కట్టిన ఓ స్థూపాన్ని దాటి ముందుకు వెళ్ళింది. ఇదేమిటి! ఇక్కడ ఆపకుండా ముందుకు తీసుకు వెళ్ళి పోతున్నాడు డ్రైవరు అనుకున్నా. ఇంకా ముందుకు వెళ్ళి అదిగో బోధి వృక్షం అన్నారు.

అది శ్రీ మహా బోధి వృక్షమట. ఇది 288 BC లో నాటినదట

అశోకుని కుమార్తె సంగమిత్ర గయ నుండి బోధి వృక్షపు కొమ్మ ఒకటి తీసుకు వచ్చి ఇక్కడ నాటారట. ఆ కొమ్మే ఈ బోధి వృక్షము.

ఇక్కడకు బౌద్ధులు తెల్లని దుస్తులు ధరించి వస్తారు. ఇక్కడ ఎవరికీ ఇంగ్లీష్ గాని, హింది గాని అర్ధం కాదు. అందరూ గుంపులుగా గాని, ఒక్కొక్కరుగా కాని కూర్చుని చక్కగా ప్రార్ధనలు చేసుకుంటున్నారు. ప్రార్ధనలు తప్పించి వేరే శబ్దం వినిపించడం లేదు. ఎంతమంది ఉన్నా అక్కడ నిశ్శబ్దం గా ఉన్నట్లే ఉంది.

అక్కడ ఉన్న మందిరంలో బుద్ధుని విగ్రహం ఉంది. చాలా అందంగా ఉంది.. బుద్ధుడికి మన వీపు చూపించకూడదని, సెల్ఫీలు తీసుకోవద్దని అక్కడ పోలీసులు చెప్పారు. ఇంకా చూడాల్సినవి ఏమున్నాయి అని గైడ్ ను అడిగితే ఒక వేపుకు చెయ్యి చూపిస్తూ అక్కడ స్థూపం ఉంది. వెళ్ళండి అన్నాడు. అటువేపు దూరం నుండి కూడా ఏమీ కనిపించ లేదు. ముందు దాటి వచ్చిన స్థూపం దగ్గరకు వెళ్దామా అంటే అలా కాదు. అటు వెళ్ళండి అన్నాడు. సరే అక్కడ ఏముందో! తొందరగా చూసి, దాటి వచ్చిన ఈ స్థూపాన్ని వెలుతురు ఉండగానే ఫోటోలు తీసుకుందామని వెళ్ళాము.

త్రోవలో రాతి స్తంభాలు నిలువుగా పాతి ఉన్నాయి. వాటి ప్రాముఖ్యత ఏమిటో ఎవరూ చెప్పలేదు.

అలా చాలా దూరం వెళ్ళాక దూరంగా ఒక స్థూపం కనిపించింది. దగ్గరకు వెళ్ళిన వరకూ అది ఎంత పెద్ద స్థూపమో అర్ధం కాలేదు. దగ్గరకు వెళ్తున్న కొలదీ అద్భుతంగా అనిపిస్తుంది. దాని ఎత్తు 338 అడుగులు, చుట్టుకొలత 951 అడుగులు. తెల్లని రంగులో మెరిసిపోతుంది.. దీని ముందు, ముందు చూసిన స్థూపం కొంచెం కూడా ఆనదు. ఇది చూడక మునుపు అదే బ్రహ్మాండంగా అనిపించింది. ఇప్పుడు ఆ స్థూపం ఏమీ కాదు.

 స్థూపం చుట్టూ చాలా విశాలమైన ప్రాంగణం ఉంది. ప్రాంగణం బయట ప్రాకారం. ప్రాకారం చుట్టూ ఏనుగులు పహారా కాస్తున్నట్లు ఉన్నాయి.

మాలో ఒకరు మనమూ పరిక్రమ చేద్దామా అన్నారు. సరే అని కొంత మందిమి బయలుదేరాం. కొంతమంది ఉండి పోయారు చెయ్యలేమని. పరిక్రమ చేస్తుంటే ఎంతకీ తరగడం లేదు. నాలుగు వేపులా ముఖ ద్వారాలు ఉన్నాయి. అనీ ఒకేలా ఉన్నాయి. ఎక్కడ బయలు దేరామో అర్ధం కావడం లేదు. అంత పెద్ద ప్రాంగణం. హంసల్లా భక్తులు. ఇలా చూడడం గొప్ప అనుభవం

అందరూ ధవళ వస్త్రాలలో ప్రశాంతంగా ప్రార్ధనలు చేసుకుంటూ ఉన్నారు. అందరూ కలువ పువ్వులను అర్పిస్తున్నారు. ఆ కలువలు కూడా చాలా అందంగా, తాజాగా, పెద్దగా ఉన్నాయి. చుట్టూ చాలా విశాల ప్రాంగణం. అక్కడక్కడ టేబుళ్ళు ఉన్నాయి. వాటి మీద ఈ కలువలను పెట్టి ప్రార్ధనలు చేసుకుంటున్నారు. ఎంత మంది ఉన్నా చాలా నిశ్శబ్దంగా అనిపిస్తుంది. అక్కడక్కడ వారి మత పెద్దలు కుర్చీ మీద కూచొని ఉంటే వారి చుట్టూ భక్తులు కూచుని వారు చెప్పినవి చాలా నిశ్శబ్దంగా వింటున్నారు. ఎక్కడకక్కడ ప్రవచనాలు, ప్రార్ధనలు, గీతాలాపన జరుగుతున్నాయి. ఏ ఒక్కరూ స్థూపానికి వీపు చూపించడం లేదు.అన్ని వందల, వేల మంది ఉన్నా, స్పీకర్ లలో ప్రవచనాలు చెబుతున్నా గోలగా అనిపించలేదు. చాలా నిశ్శబ్దంగా ఉన్నట్లే ఉంది.   అంత క్రమశిక్షణ మన తెలుగు వాళ్ళలో ( తెలుగు వారనే ఏముంది. మన భారతీయులలో) కనిపించదు. ప్రాంగణమంతా చాలా పరిశుభ్రంగా ఉంది.

దీపాలు బయట పెడుతున్నారు. అవి పెట్టడానికి ప్రత్యేకంగా గదులు కట్టి ఉన్నాయి.

అదో అద్భుత అనుభవం, జన్మ ధన్యమయిందని అనిపిస్తుంది అక్కడ ఉండడం. కాళ్ళు నొప్పి పెడుతున్నా అందరినీ చూస్తుంటే ఎంత ఆనందంగా అనిపిస్తుందో! వీలైతే మాత్రం ఈ అనుభవాన్ని మిస్ కావొద్దు. ఎంతో ఉన్నతమయినది దర్శించామన్న అనుభూతి. మాటలలో అయితే చెప్పలేను. అనుభూతించి తీరవలసినదే.

"శ్రీలంక అధ్యాత్మిక యాత్ర"        కూర్పు: డా.మజ్జి భారతి రెండవ నాడు (7-1-19) "మన్నార్" "తిరు కోటేశ్వర స్వామి" ఆలయానికి పయనం అచట జరుగుతున్నది ఆలయ పునరుద్దరణ కార్యక్రమం మంటపంలో ఆశీనులైన "గౌరీ" సమేత "తిరు కోటేశ్వరస్వామి" లింగాకారం మూల విరాట్టును దొంగతనంగా దర్శించుకున్న వైనం ఆనందంతో అందరి మనసులు ప్రఫుల్లం అచటనుండి "తలైమన్నార్" పయనం సీతమ్మ తల్లి అన్వేషణలో కట్టిన "రామసేతు" దర్శనార్ధం త్రోవ పొడవునా సముద్ర తీరం తీరం వెంబడి మర పడవుల పయనం పచ్చని రంగులో మిలమిల లాడుతున్న సాగరం ఆ సాగర గర్భంలో అలనాటి రామసేతువు నిక్షిప్తం "నాసా" ద్వారా వెలికి వచ్చింది ఈ సత్యం చూసాం అందరం అపురూపమైన ఆ ప్రదేశం  తరువాత "కీర్ మలై" చేరుకున్నాం వాహనంలో కన్నాం కనులారా "నకులేశ్వర స్వామి" శివ స్వరూపం ఆడ పురివిప్పి ఆడెనే మయూర రాజం అచటనే చూసాము కోరిన కోర్కెలీడేర్చే "నీటి కుండం" ఆపై నల్లూరు కందస్వామి దేవాలయానికి పయనం  అయినదేమో ఆలశ్యం మూసిన గుడి తలుపులే ఇచ్చాయి దర్శనం నిరాశా నిట్టూర్పులు వేధించాయి మానసం భారమైన హృదయంతో చేరాము  ఆరామము  ReplyForward

శ్రీలంక అధ్యాత్మిక యాత్ర"        కూర్పు: డా.మజ్జి భారతి మూడవ నాడు (8-1-19) చేరితిమి “నాగద్వీపం”లో వెలసిన “నాగభూషణి” అమ్మ చెంతకు “64వ శక్తి పీఠం” ఆ పక్క, ఈ పక్క సాగరం తన కెరటాలతో చేస్తున్నది అమ్మ స్తోత్రం కనులారా కాంచితిమి అమ్మ రూపం మనసారా స్తుతియించితిమి అమ్మ అష్టకం లాంచీలో మరల తిరుగు ప్రయాణం “కందస్వామి కోవెల”లో వెలసిన “సుబ్రహ్మణ్యేశ్వరుడు” మనను దయతలచి పిలిపించుకొనెను మరల తన సన్నిధికి దర్శించితిమి స్వామి రూపం తనివితీరా కాంచితిమి “షణ్ముఖుని” భోగం కనులారా ఆ స్వామి హారతి అపురూపమేగా వీక్షించితిమి అరుదైన ఆ క్షణం మనసారా ఆకాశాన్ని అంటే పవన పుత్రుడు జీవకళతో భాసిల్లుతున్నవాడు మనపై దండిగా ఆశీస్సులు కురిపించినాడు అటునుండి “ట్రింకోమలీ లక్ష్మీనారాయణ” సన్నిధికి వేగముగానే మరలినాము, అయినా పవళంతా అలసిన స్వామి పవ్వళించెనేమో అమ్మ ఒడిలో మరలి రారండి సద్దు చేయక నిద్దురోవండి స్వప్నాన స్వామిని కాంచగ ప్రభాతాన ప్రభువును కొలవగ వేగ రారండి వేడుకతో “Apple Five hotel” లో ఆరామం         Dr. M. Bharathi ReplyForward

శ్రీలంక అధ్యాత్మిక యాత్ర"        కూర్పు: డా.మజ్జి భారతి నాల్గవ దినం (9-1-19) ప్రభాతానే “శాంకరీ దేవి” ఆలయానికి పయనం అష్టాదశ శక్తిపీఠాలలో ప్రధమం  త్రోవలో సామూహిక లలితా సహస్ర నామ పారాయణం సంతసాన చేరుకుంటిమి ఆలయం ఆలయాన “శివయ్య (కోనేశ్వర స్వామి)”దే తొలి దర్శనం ఆ తరువాతనే అమ్మ ఇచ్చినది తన దర్శనం కళ్ళల్లో నింపుకుంటిమి అమ్మ రూపం ఎంత చూసినా తనివితీరని తమకం ఎన్ని జన్మల పుణ్యఫలమో శాంకరీ దేవి దర్శనం తరువాత ఇచ్చారు “విఘ్నేశ్వరుడు”,   “కాళీమాత” తమ దర్శనం పరివార దేవతల నడుమ కొలువై  కరుణతో మనలను కటాక్షించారు “లక్ష్మీ నారాయణలు” “Kenniya” లో వేడి నీటితో నిండిన “ఏడు బావులు” అమ్మ కొరకు “రావణుడు” సృష్టించిన నదీజలాలు అటునుండి “Cave Temple” ను చూసేందుకు బౌద్ధంలో “Golden Temple”గా ప్రసిద్ధం రహదారి మీద నుండే ఆ జ్ఞాపకం నిక్షిప్తం చేసుకోమన్న ప్రభువు చివరకు చాయాచిత్రాల వరకు అనుజ్ఞ  సాయం సమయాన “Teeth Temple”కు పయనం అచట బుద్ధుని ప్రతీకగా ప్రతిష్టించబడ్డ బుద్ధుని దంతం వేలాదిమంది భక్తులను ఆకర్షిస్తున్న ఆ అవశేషం తన శక్తితో సందర్శకులను మైమరిపిస్తున్న వైనం దర్శించినవారు అనుభూతిస్తున్న ప్రశాంతచిత్తం నిశా సమయం “Neits Hotel”లో ఆరామం ReplyForward

“శ్రీలంక ఆధ్యాత్మిక యాత్ర”     కూర్పు: డా.మజ్జి భారతి 5వ రోజు (10-1-19) ప్రాతఃకాలాన తేనీరు సేవనం, ఆపై పయనం రద్దీ రహదారులతో వృధా అయిన సమయం అయినా భజనలతో ఆ సమయం సద్వినియోగం నల్లని రాతిలో ఒదిగి ఉన్నవాడు నయనాందకరముగా ఉన్నవాడు శ్రీరామ ప్రియభక్తుడు కొండపై కొలువై ఉన్నాడు నడిచి, అలసి, సొలసి చేసుకుంటిమి దర్శనం స్వామి రూపం కడు సమ్మోహనం నిలువలేదు మానసం స్వామిని కెమెరాలో బంధించినంత వరకు త్రోవ పొడవునా ప్రకృతి రమణీయం ఆపై తేయాకు తోటల సందర్శనం వేడి, వేడి తేనీరు సేవనం నచ్చినవారు జ్ఞాపకాలతో పాటు తేయాకునూ చేసుకున్నారు సొంతం ప్రాచీన గాయత్రి పీఠం ఇచటనే జరిగినదట, నిగంబన యాగం రామ, రావణ యుద్ధ సమయాన పెద్ద పారిజాత వృక్షమట ఆ చెట్టు పుష్పాలు బ్రహ్మ కమలాలవలె భాసించినవి ఇచట ఉన్నది మురుగేష్ మహర్షి సమాధి ఇచటనే చూచినాము అరుదైన సేకరణ 108 స్వయంభూ లింగాలు అపురూపమైన ఏక ముఖ రుద్రాక్ష స్ఫటికాలు, కస్తూరి, పాన లింగాలు,అగ్ని లింగం సంజీవిని, నవపాషాణం మొదలగు ఎన్నో విశేషాలు అటుపైన రామాయణ కాలం నాటి ప్రదేశాలకు పయనం ఆపైన, లంకా నగర వినాశనానికి  కారణమైన సీతాపహరణం, కధ వింటిమి కాని నేడు చూసితిమి అవి జరిగిన ప్రదేశాలు సీతమ్మనుంచిన అశోకవనం ఆమె కూచున్న అశోక వృక్షం “హనుమానుని అడుగుజాడ” కాంచగనే సీతా రాముల ఎడబాటు భర్తను ఎడబాసిన సీతమ్మ తల్లి మనోవేదన హనుమాన్ కి సీతమ్మ దర్శనం లంకా దహనం, రావణ నాశనం అన్నీ కదలాడాయి కనులముందు అచ్చోటనే సీతమ్మ ఎదుర్కొనెనట శీలపరీక్ష యుగాలు మారినా స్త్రీ జాతికి తప్పని అగ్ని పరీక్ష                             Dr.M.Bharathi ReplyForward

P.S.:పై వివరాలు చదివాక మీ స్పందన (comment) ను కామెంట్ బాక్స్ లో పోస్ట్ చేస్తారని ఆశిస్తున్నాను.