ఎండాకాలం

ఎండాకాలం

2-6-2015

ప్రచండ భానుని ప్రకోపానికి

లోకం భగ భగ మండిపోయి

పచ్చని చెట్లు ఎండిపోయి

వరుణుని రాకకై లోకం

ఎదురు చూస్తున్న తరుణాన 

మబ్బుల చీరను చుట్టుకుని

ఆకాశం మబ్బు రంగులో కానవస్తుంటేl

గుండెలదిరేలా ఉరుములు

కర్ణపుటాలను తాకుతుంటే

మెరుపుల తీగలు

ఆకాశాన్ని పుడమిని కలుపుతుంటే

మేఘాలను చీల్చుకుంటూ

చినుకు చినుకు నేల జారుతుంటే

ఎండి బీటలు వారిన పుడమితల్లి

రెండు చేతులూ చాచి

ఆ చినుకును అక్కున చేర్చుకుంటుంటే

కమ్మని మట్టి వాసన

నాసికా పుటాలను తాకుతుంటే

ఇంతకన్నా  ఆనందం ఉంటుందా ఇలలో

 

             డా. మజ్జి భారతి